Skip to main content

உயிருள்ள பெயர்கள்..!!

நான் சமீப்பத்தில் வாசித்த நூல் ‘உயிருள்ள பெயர்கள்’  இந்நூல் குறித்த விமர்சமாக இப்பதிவு அமைய உள்ளது.

தலைப்பை பார்த்ததும் என்னடா உயிருள்ள பெயர்களா..?? என்று வியந்து படிக்க ஆரம்பித்தேன்.இந்நூலில் 27 தமிழ்ப் புலவர்கள் குறித்து எழுதப்பட்டு இருந்தது.முதலில் எனக்கு அவர்களின் பெயர்கள் வாயில் நுழையவில்லை.பிறகு ஒவ்வொரு கட்டுரையாக படிக்க ஆரம்பித்தேன்.

பெயர் என்பது ஒவ்வொரு உடலுக்கும் நாம் சூட்டிக் கொள்வது.ஆனால் அவை நமது ஆத்மாவுக்கு சூட்டப்படும் பெயர்கள் அல்ல.ஒவ்வொரு பெயருக்கும் ஒரு உயிர் உண்டு என்பதை ஒரு சிலரே உணர்த்துக் கொள்கிறார்கள்.

பிறந்தோம்,வாழ்ந்தோம்,இறந்தோம் என்று இல்லாமல் நமது பெயருக்கான வாழ்வை வாழ்ந்துவிட்டு சென்றோமா..?? என்பது தான் ஒவ்வொருவரும் வாழ்ந்தார்கள் என்ற அர்த்தத்தை உண்டாக்கக்கூடும்.இப்படி இறந்த பின்பே ஒருவருடைய பெயர்கள் மக்கள் மத்தியில்  நிலைத்திருக்கிறது என்றால் அந்த பெயர்களே உயிருள்ள பெயர்கள் என்றாகிவிடுகிறது.



நாம் ஒவ்வொருவரும் தனக்கு பிடித்தமான பெயர்களை சூட்டிக் கொண்டு வாழ்ந்து வருகிறோம்.ஆனால் அன்றைய சங்க இலக்கியத்திலே  பாடப்பட்ட செய்யுளின் ஆசிரியர்களின் பெயர்கள் அறியப்படாததால் அவர்களால் பாடப்பட்ட பாடலில் இருந்தே அவர்களுக்கு பெயர்ச் சூட்டப்பட்டு இன்று வரை மகிழ்ந்து வருகிறோம்.

இந்நூலில் நான் அறிந்துக் கொண்ட ஒவ்வொரு புலவர்களையும் கண்டு வியந்தேன்.உதாரணமாக ஓரிற் பிச்சையார்,ஓரேருழவர்,அணிலொடு முன்றிலார்,பதடி வைகலார்,நெடுவெண்ணிலவினார்,கூவன் மைந்தன்,தனிமகனார்,வில்லக விரலினார்  போன்ற பலரை பற்றி இன்றைய சூழலுக்கேற்ற தமிழில் இன்றைய தலைமுறையினருக்கு புரியும் வகையில் இந்நூலின் ஆசிரியர் முனைவர்.இரா.குணசீலன் அவர்கள்  எழுதியுள்ளார்.

இந்நூல் என்னை போன்ற இலக்கியத்தை விரும்பாத சிலருக்கும் இதை படித்தவுடன்  சங்க காலத்தில் ஒவ்வொரு புலவர்களும் இயற்கையோடும் தமிழோடும் எவ்வாறு பின்னிப் பிணைந்து இருந்தார்கள் என்று அறிய முடியும்.மேலும் இதுப் போன்ற இலக்கிய நூல்களை தேடிப் படிக்க வேண்டும் என்ற ஆர்வத்தை தூண்டும் வகையிலும் அமையும்.

இன்று முதல் நானும் இலக்கியத்தை நேசிக்க ஆரம்பித்துள்ளேன்.இப்பதிவில்  ஒரு சுயநலமும் உண்டு இந்நூலின் ஆசிரியர் என்னுடைய தமிழ் ஆசிரியரும் எனது நெறியாளரும்  என்ற கர்வம் எனக்கு உண்டு.

நன்றி.









Comments

  1. நல்லதொரு நூல் விமர்சனம்...
    முனைவர் இரா.குணசீலன் அவர்களுக்கு வாழ்த்துக்கள்.

    ReplyDelete
    Replies
    1. தங்களின் வருகைக்கும் மறுமொழிக்கும் நன்றி ஐயா.

      Delete
  2. நானும் படிக்கிறேன் சகோ.நன்றி

    ReplyDelete

Post a Comment

Popular posts from this blog

சிக்கனமும் சேமிப்பும்

சிறு துளி பெறுவெள்ளம் போல       சிறுசேமிப்பு வாழ்க்கைக்கு பேருதவி புரியும்!
சேமித்துப் பார் சிக்கனம் தன்னால் தோன்றும்!       ஓரறிவு எறும்பிற்கு சேமிப்புத்தான் வாழ்க்கை!
ஆரறிவு மனிதனுக்கு சேமித்தால் தான் வாழ்க்கை!       உன் வாழ்வில் நீ எத்தனையோ படிகளை
தாண்டி வெற்றி கண்டிருக்கலாம்; ஆனால்       சேமித்து சிக்கனமாய் இருந்தால் தான்
நீ வாழ்க்கை என்னும் படியை
வெற்றியுடன் தாண்ட முடியும்!
சேமித்துப் பார் உன் வாழ்க்கையை நீ

அறுவகைப் பெயர்கள்

                            அறுவகைப் பெயர்கள் பெயர்ச்சொல் ஒன்றின் பெயரைக் குறிப்பது பெயர்ச்சொல் ஆகும். பெயர்ச்சொல் ஆறு வகைப்படும். அவை                             பொருட்பெயர்                             இடப்பெயர்                             காலப்பெயர்                             சினைப்பெயர்                             குணப்பெயர்                             தொழிற்பெயர் பொருட்பெயர்; பொருளின் பெயரைக் குறிப்பது பொருட்பெயர் ஆகும். 

எடுத்துக்காட்டு - மேசை, கடிகாரம், கதவு, வண்டி, கட்டில் போன்ற பொருள்களைக் குறிப்பதால் இது பொருட்பெயராகும். இடப்பெயர் இடத்தின் பெயரைக் குறிப்பது இடப்யெராகும்.

எடுத்துக்காட்டு – கோயில், பேருந்து நிலையம், சென்னை, தெரு, மருந்தகம். காலப்பெயர் காலத்தை (பொழுதை) குறிப்பது காலப்பெயராகும்.


எடுத்துக்காட்டு – வைகாசி, இரவு, கோடை, காலை சினைப்பெயர் சினை – உறுப்பு. மனிதனின் உறுப்புகள் மற்றும் தாவர, விலங்குகளின் உறுப்புகளைக் குறிப்பது சினைப்பெயராகும்.



எடுத்துக்காட்டு – கிளை, கழுத்து, தலை, கை. குணப்பெயர்