சரணாலயம் – ஓர் அறிமுகம்

சரணாலயம் – ஓர் அறிமுகம்

    இந்த பகுதியானது தமிழக அரசின் 1972 வருட வனவிலங்கு பாதுகாப்புச் சட்டம் பிரிவு 26(1)ன் கீழ் சுற்றுச்சூழல் மற்றும் வனத்துறையின் அரசானை எண் 44 நாள் 29.2.2000ன் படி அரசிதழில் அறிவிக்கப்பட்டு 22.03.2000 அன்று சரணாலயமாக உருவெடுத்தது.

    வடமுகம் வெள்ளோட்டில் அமைந்துள்ள பெரியகுளம் ஏரியில் (புல எண் 584) 75.935 ஹெக்டேர் பரப்பும், ஓடை புறம்போக்கில் அமைந்துள்ள (புல எண் 503) 1.250 ஹெக்டேர் பரப்பும் சேர்த்து மொத்தம் 77.185 ஹெக்டேரில் இந்த பறவைகள் சரணாலயம் அமைந்துள்ளது.

     இந்த பகுதி அதிக அளவில் புலம் பெயர்ந்து வரும் பறவைகளுக்கும், குடியிருக்கும் பறவைகளுக்கும் தொடர்ந்து ஒரு சிறந்த புகழிடமாக இருந்து வருவதால் இங்கு வருகை புரியும் பார்வையாளர்களின் எண்ணிக்கை அதிக அளவில் உள்ளது.    

சரணாலதயத்தை பார்வையிட உகந்த காலம்

    ஜூலை முதல் செப்டம்பர் வரை பறவைகள் கூடுகட்டி இனப்பெருக்கம் செய்வதை காண உகந்த மாதங்கள். அக்டோபர் முதல் பிப்ரவரி வரையான மாதங்கள் அதிக அளவில் புலம் பெயர்ந்து வருகை புரியும் பறவைகளை காண்பதற்கு உகந்த மாதங்கள். மார்ச் முதல் ஜூன் மாதங்கள் இங்கு குடியிருக்கும் பறவைகளின் இனப்பெருக்கத்தை காண உகந்த மாதங்கள்.

பறவைகள்

     வெள்ளோடு பறவைகள் சரணாலயத்தில் தங்கி வாழும் பறவைகள் தவிர இடம் பெயர்ந்து (வலசை) வாழும் பறவைகளும் பெரிய அளவில் வருகை புரிகின்றன. இவற்றில் சுமார் 25 வகையான நீர் பறவை இனங்கள் அடங்கியது. இடம் பெயரும் (வலசை) பறவைகள் வடகிழக்கு பருவமழை ஆரம்பமாகும் நேரத்தில் சரணாலம்  வரத் தொடங்கும். சரணாலத்தில் உள்ள  குளம், சதுப்புநிலம், மரங்கள் மற்றும் புகழிடத்தின்  அருகில் உள்ள விவசாய வயல்வெளிகளில் பறவைகளுக்கு தேவையான அளவு மீன்கள், பூச்சிகள், மற்ற உணவுப்பொருட்கள் கிடைப்பதற்கும், பறவைகள் ஓய்வு எடுப்பதற்கும், கூடுகட்டி முட்டைகள் இடுவதற்கும் உகந்த வாழ்விடமாக திகழ்கிறது. சரணாலயத்தில் தங்கி வாழும் பறவை இனங்களுக்கு தேவையான மீன்கள் மற்றும் நீர்வாழ் உயிரினங்கள் இக்குளத்தில் ஏராளமாக உள்ளன.

   சமீபத்திய கணக்கெடுப்பின்படி 150 வகைக்கும் மேற்பட்ட நிலம் சார்ந்த மற்றும் நீர்வாழ் பறவையினங்களை உள்ளடக்கி மொத்தம் 27,000 க்கும் மேற்பட்ட பறவைகள் கண்டறியப்பட்டுள்ளது. இவற்றில் உண்ணிக்கொக்கு, சின்னக்கொக்கு மற்றும் சிறிய நீர்காகம் போன்ற வகைகள் அதிகமாக இருக்கின்றன.

மூவிடம்

                                     

இடம் மூன்று வகைப்படும். அவை

                        தன்மை

                        முன்னிலை

                        படர்க்கை

தன்மை

தன்னைப் பற்றி கூறும் சொல் தன்மை இடமாகும்.

எடுத்துக்காட்டு- நான் எழுதினேன், நாங்கள் எழுதினோம், நான் செய்தேன்

முன்னிலை

நமக்கு முன்னால் இருப்பவரைக் குறிப்பது முன்னிலை இடமாகும்.

எடுத்துக்காட்டு- நீ கேட்டாயா?, நீங்கள் கேட்டீர்களா?

படர்க்கை

தன்னையோ, முன்னால் நிற்பவரையோ குறிக்காமல் வேறு ஒரு மூன்றாவது நபரைக் குறிப்பது படர்க்கை இடமாகும்.

படர்க்கை உயர்திணை அஃறிணை என்று இரு வகைப்படும்.

எடுத்துக்காட்டு- அவன், அவள், அவர்கள் – படர்க்கை உயர்திணை

                அவை, அது – படர்க்கை அஃறிணை

பெரியார் மாவட்டம் தான் ஈரோடு...!!!

ஈரோடு மாவட்டத்தில் 17.09.1879 அன்று வெங்கட நாயக்கர்-சின்னத்தாயம்மாள் தம்பதியருக்கு இரண்டாவது மகனாகப் பிறந்தவர் தான் தந்தை பெரியார்.

சமுதாயத்தில் சாதி,சமயம்,வேறுபாடு அகலவும் மூடநம்பிக்கை முற்றிலுமாக ஒழியவும்,மனிதநேயம் தழைக்கவும் பாடுபட்ட மாமேதையாவார்.

ஈரோடு  நகர மன்றத்தின் தலைவராக இருந்து எண்ணற்ற சாதனை புரிந்தார்.

தந்தை பெரியார் தமிழ்நாடு காங்கிரஸ் தலைவராகவும் செயலாளராகவும் பணியாற்றினார்.

கேரள மாநிலம் வைக்கத்தில் தீண்டாமையினை எதிர்த்து போராட்டம் நடத்தினார்.

1925-ல் சுயமரியாதை இயக்கம் கண்டார்.குடியரசு ஏட்டை துவக்கினார்.

1927-ல் வருணாசிரமம் ஒழிந்தால் தான் தீண்டாமை ஒழியும் என்று காந்தியாரிடம் வாதாடினார்.

1937-ஆம் ஆண்டு கட்டாய இந்தியை எதிர்த்து போராட்டம் நடத்தினார்.

1938-ல் சென்னையால் நடைபெற்ற மகளிர் மாநாட்டில் ’பெரியார்’ என்ற பட்டம் வழங்கப்பட்டது.

1944-ல் சேலம் மாநாட்டில் நீதிக்கட்சி ,திராவிடர் கழகமாக பெயர்  மாற்றம் பெற வகை செய்தார்.

1950-ல் பெரியார் பொன்மொழிகள் நூலுக்காக ஆறுமாதம் சிறைத் தண்டனை விதிக்கப் பெற்று பத்து நாட்களுக்குப் பிறகு விடுதலை செய்யப்பட்டார்.

1951-ல் வகுப்புரிமைக்காகக் கிளர்ச்சி நடத்தி இந்திய அரசியல் சட்டத்தை முதன் முறையாகத் திருத்தச் செய்தார்.

1967-ல் தமிழக முதலமைச்சராக பொறுப்பேற்ற பேரறிஞர் அண்ணா அவர்கள்,’யான் பெற்ற அரசு என் தந்தைக்குரிய பரிசு’ என்று குறிப்பிட்டு தமது ஆட்சியையே தந்தை பெரியாரின் பெரும் சமுதாயப் பணிக்கு காணிக்கையாக்கினார்.

1970 ஆம் ஆண்டு யுனெஸ்கோ நிறுவனம் விருது வழங்கி  பாராட்டியது.

தந்தை பெரியார் தமிழகத்தின் வரலாற்றில் ஓரு சகாப்தமாக காலகட்டமாக திருப்பு முனையாக திகழ்ந்தவராவார்.

டிசம்பர் 19 அன்று சென்னை தியாகராய நகரில் சொற்பொழிவு ஆற்றினார்.அதுவே அவரது இறுதிச் சொற்பொழிவு.அதுவே அவரது மரண சாசனம்.

டிசம்பர் 24 காலை 7.22 மணிக்கு தந்தை பெரியார் தம் 95-ம் அகவையில் மறைந்தார்.அவரது உடல் பொதுமக்கள் அஞ்சலிக்காக இராஜாஜி மண்டபத்தில் வைக்கப்பட்டது.

டிசம்பர் 25 அரசு மரியாதையுடன் அவரது உடல் ஊர்வலமாக எடுத்துச் செல்லப்பட்டு மாலை 4.57 மணிக்கு சென்னை பெரியார் திடலில் அடக்கம் செய்யப்பட்டது.

1974-ல் தமிழக அரசு வாங்கிய கப்பலுக்கு ’எம்.வி.தமிழ்ப் பெரியார்’ என்ற பெயர் சூட்டப்பட்டது.

1975-ல் ஈரோட்டில் பெரியார் வாழ்ந்த இல்லம் அரசுடைமையாக்கப்பட்டு பெரியார்-அண்ணா நினைவகமாக ஆக்கப்பட்டது.

இப்படிப்பட்ட ஒரு சமூக சீர்த்திருத்தவாதி பிறந்து வாழ்ந்த இம்மண்ணில் நானும் பிறத்தேன் வளர்கிறேன் என்பதில் பெருமிதமாக உள்ளது.

என்னுடைய ஊரு ஈரோடுங்க…!!!!

அறுவகைப் பெயர்கள்

                            அறுவகைப் பெயர்கள்

பெயர்ச்சொல்

ஒன்றின் பெயரைக் குறிப்பது பெயர்ச்சொல் ஆகும். பெயர்ச்சொல் ஆறு வகைப்படும். அவை

                            பொருட்பெயர்

                            இடப்பெயர்

                            காலப்பெயர்

                            சினைப்பெயர்

                            குணப்பெயர்

                            தொழிற்பெயர்

பொருட்பெயர்;

பொருளின் பெயரைக் குறிப்பது பொருட்பெயர் ஆகும். 

 

 

எடுத்துக்காட்டு - மேசை, கடிகாரம், கதவு, வண்டி, கட்டில் போன்ற பொருள்களைக் குறிப்பதால் இது பொருட்பெயராகும்.

இடப்பெயர்

இடத்தின் பெயரைக் குறிப்பது இடப்யெராகும்.

எடுத்துக்காட்டு – கோயில், பேருந்து நிலையம், சென்னை, தெரு, மருந்தகம்.

காலப்பெயர்

காலத்தை (பொழுதை) குறிப்பது காலப்பெயராகும்.

எடுத்துக்காட்டு – வைகாசி, இரவு, கோடை, காலை

சினைப்பெயர்

சினை – உறுப்பு. மனிதனின் உறுப்புகள் மற்றும் தாவர, விலங்குகளின் உறுப்புகளைக் குறிப்பது சினைப்பெயராகும்.

எடுத்துக்காட்டு – கிளை, கழுத்து, தலை, கை.

குணப்பெயர்

குணம் – பண்பு. பொருட்களின் குணத்தை (பண்பை) குறிப்பது குணப்யெராகும்.

எடுத்துக்காட்டு – உண்மை, பெருமை, வெம்மை, செம்மை, பசுமை.

தொழிற்பெயர்

செய்யும் தொழிலைக் குறிப்பது தொழிற்பெயராகும்.

 

எடுத்துக்காட்டு – தச்சு, உழவு, ஆட்டம், காவலர்.

பின்வரும் சொற்கள் எந்த பெயரைக் குறிக்கும் என கூறுக

கண், பொறுமை, ஓட்டுனர், தை, கடை, கட்டில்.

நாட்டை விற்காதே,மயங்காதே..!!!

தேர்தல் நெருங்கிவிட்டது 240 தொகுதியிலும் வேட்பாளர்கள் தங்களின் வேட்புமனுக்களை தாக்கல் செய்துவிட்டு வாக்குகளை சேகரிக்க பிரச்சாரத்தை ஆரம்பித்துள்ளனர்.ஒவ்வொரு கட்சியினரும் போட்டிப் போட்டு தங்களின் தேர்தல் அறிக்கையின் வாக்குறுதியை மக்களிடையே தெரிவித்து வருகிறார்கள்.அறிவிப்பது  அவர்களின் கடமை.சரி நாட்டை விற்காதே என்று கூறினேன் அல்லவா..!!அது என்னவென்றால் 500 ரூபாய்க்கு ஆசைப்பட்டு அடுத்த ஐந்து ஆண்டுகளுக்கு நாட்டை விற்க நினைக்கும் அனைவருக்குமே இந்த பதிவை சமர்பணம் செய்கிறேன்.

5*365=1825

1825/500=0.27397260

அப்படினா மொத்தமாக ஐந்து வருடத்திற்கு 0.27 பைசா  அதாவது இன்றைய காலக்கட்டத்தில் தொலைந்து போன பைசா மதிப்பு இதற்கு ஆசைப்பட்டு விலைமதிப்பில்லா நமது ஓட்டை தகுதியில்லாத ஒருவருக்கு விற்க நினைக்கிறோம்.இது தவறு.மேலும் அவர்கள் அறிவிக்கும் இலவசங்களை கண்டு மயங்காமல் அடுத்த ஐந்து வருடம் ஆட்சி செய்ய தகுதியுடையவரா..?? அவர் என்று யோசித்து வாக்களியுங்கள்.

சொல்லுதல் யார்க்கும் எளிய அரியவாம்

சொல்லிய வண்ணம் செயல்.(கு.எ; 664)

செயல்திறன் பற்றிச் சொல்வது எல்லோருக்கும் எளிது.சொல்லியபடி செய்து முடிப்பது அரியதாம்,என்பது குறளின் பொருள்.இதனை அறிந்து வாக்களியுங்கள்.

மேலும் உங்கள் ஒட்டுதான் உங்களின் எதிர்காலத்தை தீர்மானிக்கும் எனவே சிந்தித்துச் செயல்படுவீர் நட்புக்களே.எனது கருத்தில் தவறுகள் இருந்தால் மன்னியுங்கள்.நாளைய விடியல் நமது விரல் நுனியில்…!!!நன்றி.

 

எழுத்தாளர்கள் எழுதிய விதம்...!

சில மேல்நாட்டு  எழுத்தாளர்கள் தங்கள் கதைகளை உருவாக்கிய முறைகளும், எழுதிய விதங்களும் விசித்திரமானவை. அவர்களில் சிலர்,

ஃபிராங் ஓ கான்னர் என்ற எழுத்தாளர் கதைகளை எழுதுவதற்கு முன்பு கதைக் கருவைச் சிந்தித்துத் திட்டமிடாமல் எழுதத் தொடங்கிவிட்டு, மனதில் தோன்றியதை எழுதிக்கொண்டே போவார். கதை முழுவதையும் எழுதிமுடித்த பிறகுத் தான் எழுதியது ஒரு அற்புதப் படைப்பு என்பது அவருக்குப் புலப்படும்.

நெல்சன் ஆல்க்ரென் என்ற எழுத்தாளர் தொடர்ந்து எழுதிக் கொண்டே போவார். கதையில் சுவையான சம்பவத்தைப் புகுத்திய பிறகுத்தான் தொடர்ந்து எழுதிமுடிக்கக் கதைப் பொருள் கிடைக்குமாம் அவருக்கு.

பிரபல ரஷ்ய எழுத்தாளர் ஆண்டன் ஸெகாவ் சிந்தித்துத் திட்டமிடாமல் ஒரே மூச்சில் கதையை எழுதி முடிப்பது வழக்கம். கதை எழுதும் போது அவர் பார்க்கும் எந்த பொருளும், நிகழ்ச்சியும் அவரது கதை பொருளாக அமைந்து விடுவது வழக்கம்.

அண்டோனி பார்ஸன் என்ற துப்பறியும் நாவலாசிரியர் எழுத ஆரம்பித்தால் ஊன் உறக்கமின்றி நாவலை எழுதி முடிப்பார். எழுதி முடித்தப்பின் வயிறு முட்ட உணவு உண்டு, இரண்டு முன்று நாட்கள் உறங்குவாராம்.

ஜார்ஜ்பெர்னார்ட்ஷா ஒரு நாளைக்கு ஐந்து பக்கங்களுக்கு மேல் ஒரு வார்த்தை கூட எழுத மாட்டார். ஐந்தாவது பக்கம் எழுதி முடிக்கும் போது ஒரு வாக்கியம் பாதி எழுதபட்டிருந்தால் கூட எழுதுவதை நிறுத்தி விட்டு,அதை மறுநாள் தான் எழுதத் தொடங்குவார்.

சார்லஸ் டிக்கன்ஸ் தான் எழுதும் நகைச் சுவையைப் படித்துத் தானே வயிறு குலுங்கச் சிரிப்பாராம். சோகக் கட்டத்தை எழுதும் போது அந்தப்பக்கம் முழுவதும் சிந்தும் கண்ணீர் துளிகள் காகிதத்தின் மேல் உதிர்ந்து சிதறுமாம். அவர் எழுதிய நாவல் முழுவதையும் பலதடவை படித்துப் படித்துப் பார்த்து பலமாற்றங்கள் செய்து சீராக்குவாராம்.  

                                           (படித்ததில் பிடித்தது)

அவரை ஊர்

இதென்ன அவரை ஊர் என்று ஆச்சரியப்படுகிறீர்களா? பெங்களூர் தான் அவரை ஊர்!

பெங்காலு என்ற ஒரு வித அவரையிலிருந்து உண்டானதாகும் பெங்களூர். இது கன்னடப் பெயர்.

ஒருகாலத்தில் மைசூரை ஆண்டு வந்த வீரப்பன்னாளா என்ற அரசன் வேட்டைக்குச் சென்றபோது தன் பரிவாரங்களிலிருந்து தனியே பிரிந்து, இருளில் வழித்தவறி ஒரு குடிசையை அடைந்தான். அங்கு ஒரு வயதான மூதாட்டி இருந்ததைக் கண்டு தனக்கு உணவு தரும் படி வேண்டினார் அரசர் .

அந்த மூதாட்டியிடம் அச்சமயம் பெங்காலி என்ற அவரையைத் தவிர உணவாகக் கொடுக்க வேறொன்றும் இல்லை. ஆகவே அந்த அவரையை வேகவைத்து அரசனுக்கு பரிமாறினார் மூதாட்டி. அரசனும் அதை உண்டு தன் குதிரைக்கும் கொடுத்தார். மறுநாள் காலையில் தலைநகருக்கு திரும்பியவுடன் அச்செய்தியை எல்லாருக்கும் அறிவித்து, தனக்கு உதவி செய்த அந்த மூதாட்டிக்கு சன்மானம் அளித்ததுடன், அந்த இடத்தில் ஓர் ஊரையும் உண்டாக்கி, அதற்கு பெங்காலு என்றும் பெயரிட்டார். அப்பெயர் மாறி பெங்களூர் என்றாயிற்று.
                                            (படித்ததில் பிடித்தது)

ஃரான்சிஸ் பேகன்

ஃரான்சிஸ் பேகன்

பேகனின் வாழ்க்கை:

            பேகன் ஜனவரி22,1561ஆம் ஆண்டு பிறந்தார்.கேம்பிரிஜ் பல்கலைக்கலகத்தில் பயின்று சட்டப்படிப்பை தம் தொழிலாக தேர்வு செய்தார்,பின்னர் ராணியின் ஆலேசகராக முன்னேறினார்.மவாழ்வில் மன்னர் ஜெம்ஸ்சின் வருகையும் இவர்க்கு சாதகமாகவே அமைந்த்து.1613இல் வழக்கறிஞர்,1617அல் அரச பாதகாவலர் இருதியாக 1623இல் சென்ட்ஸ் ஆல்பன்ஸ்சில் aristocratic அவைவையில் உறுப்பினரானார்.

             தீடீரென பேகன் வாழ்வில் மிகப் பெரிய வீழ்ச்சியை சந்தித்தார். இவர் தாகாத சில செயல்களில் ஈடுபட்டு40,000ஆயிரம் பவுன்ஸ் அபராதம் விதித்து நாங்கு நாட்கள் சிறை தண்டனையும் ஆனுபவித்தார்.விரைவில் அவர்க்கு மன்னிப்பும் வழங்கப்பட்டது.

பேகனது சில லத்தின் படைப்புகள்:

             டி அக்மென்டிஸ் செயின்டியாரம்

             நொவம் ஆர்காஆனம்

             சில்வ சில்ஃவாரம்

             ஸ்கேலா இன்டலெக்டஸ் அன்ட் ப்ரோட்ரோமி

சில ஆங்கில படைப்புகள்:

             ``தி நியி அட்வான்ஸ்மன்ட் ஆப் லர்நிங்'',``நியு அட்லான்டிஸ்''

பெறும்பாலும் பேகனின் கட்டுரை மனிதன் பொதுவாழ்விலும்,தனிப்பட்ட வாழ்விலும் கடைபிடிக்க வேண்டிய நெறிகளைப்பற்றி அமையும்.மொத்தம்58 கட்டுரைகள் பேகன் எழுதியுள்ளார்.இவரது மொத்தமான சில கட்டுரைகள் ``எஸ்சேஸ் ஆர் கௌன்சில்ஸ் சிவில் ஆன்ட் மாரல்ஸ்``என்ற படைப்பில் வெளிவந்தது.

வாட் மற்றும் சர்ரே

                                             வாட் மற்றும் சர்ரே

16ஆம் நாற்றாண்டின் ஆரம்ப காலத்தில் சர் தாமஸ் வாட் சானட் என்று சொல்லப்படும்14வரிகள் கொண்ட பாடல்வகையை ஆங்கிலத்தில் பயண்படுத்தினர்.இதனை சர்ரே பின்பு விரிவாகப் பயண்படுத்தினர். இத்தாலியில் பெட்ரார்ச் என்பவர்தான் முதன் முதலில் சானட் வகையை அறிமுகப்படுத்தினர்.வாட் இதில் சில வேறுபாடுகளுடன் ஆங்கிலத்தில் பயண்படுத்தினார்.

சர் தாமஸ் வாட்:

            வாட் யார்ஷ்ஷயர் என்ற பரம்பரயை சேர்ந்தவர்.இவர் கேம்ப்ரிஜ் பல்கலைக்கலகத்தில் பயிண்றார்.தன் வாழ்க்கை சம்பந்தப்பட்ட கருத்தை உட்கொண்டு இவரது பாடல்கள் அமையும்.இவரது பாடல்கள் மற்றும் சானட் வகைகள் இவர் இறப்பிற்கு பின் டோட்டில்ஸ் மிசிலனி என்ற பதிப்பில் வெளிவந்த்து.மேலும் இவரது பாடல்கள்,சானட்ஸ்,கேலி நடை பாடல்கள்,இற்ப்பாட்டு முதலிய பல வகையான நயங்களைக்கொண்டு எழுதியுள்ளார்.இவரின் குறிப்பிடத்தக்க படைப்புகள்,

            மை லூட், அவேக்

            ஈஸ் இட் பாசிபில் மற்றும்

            ஐ ஃஐன்ட் நோ பீஸ்

ஹென்ரி ஹோவர்ட் இஎல் ஆப் சர்ரே(henry howard earl of surrey):

ஹென்ரி ஃப்ரான்ஸ் மற்றும் ச்காட்லண்டில் போர்வீரராக பணிபுரிந்தார்.இவர் பாடல்கள் வெறுபட்ட கருத்தை வெளிப்படுத்துவார்.இவரின் குறிப்பிடத்தக்க நூல்கள்,

            வின்சர் கேசில்

            வின்சர் வால்ஸ்

            ப்ரவுட் வின்சர்

இருவருக்குமே இயற்க்கைக்கான மென்மையான அன்பு உண்டு.சர்ரேவின் உண்மையான ஈடுபாடு(real passion)அவரது பாடல்களில் தெறியாது ஆனால் கற்பனைக்காதலை கருவாகக் கொண்டு வாசகர்களை ஈர்த்துள்ளார்.

ஏக்கம்

               

வற்றிப்போன குளங்கள்….

முகம் பார்க்க முடியாத ஏக்கத்தில்

நிலா!

ஜியோஃப்ரி ச்சாசர்

                                     

                           

                                         ஜியோஃப்ரி ச்சாசர்

நவீன ஆங்கில காலம் ச்சாசருடன் தொடங்குகிறது.ஜியோஃப்ரி ச்சாசர்(Geoffrey Chaucer)1340ஆம் ஆண்டு பிறந்தார்.இவர் தந்தை ஒரு செழுமையான மது ஏற்றுமதியாளர்.1366ஆம் ஆண்டு இவருக்கு திருமணம் நடந்து இரு மகன்கள், ஒரு மகளும் பிறந்தனர்.நூறு வருட போரில் சிப்பாயாகவும் வின்சர் மன்னரிடம் குமாஸ்தாவாகவும் பணிபுரிந்தார்.1400ஆம் ஆண்டு இயற்கை எய்தி வெஸ்ட் மினிஸ்ட்டர் அபே(அ)பொயட்ஸ் கார்னர் என்ற இடத்தில் புதைக்கப்பட்டார்.

இவரது பணிகாலத்தை மூன்றாக பிரிக்கலாம்:

            1.ஃப்ரெஞ்ச் காலம்

            2.இத்தாலி காலம்

            3.ஆங்கில காலம்

ஃப்ரெஞ்ச் காலம்:

            ச்சாசரது ஆரம்பகால படைப்புகள் பெறும்பாலும் மொழிபெயர்ப்பு மற்றும் தழுவல் பாடல்களாகவே அமைந்தது.அவை,

            1.ரொமன் டி லா ரோஸ்(தி ரொமான்ஸ் ஆப் தி ரோஸ்)

            2.தி புக் ஆப் டச்சசீ—இது பிலேன்ச் என்பவருக்கு எழுதப்பட்ட ஓர் இரங்கற்பாட்டு(elegy)

இத்தாலி காலம்:

இத்தாலியின் வருகயில் ஃப்ரெஞ்ச் தாக்கம் மறைந்தது.இக்கால தலைமை படைப்புகள்,

            1.lதி ஹவுஸ் ஆப் ஃஏம்     —முழுமையடையாத கற்பனை கதை

            2.ட்ராய்லஸ்அன்ட் க்கிரிசைட்—இது ச்சாசரது மிகச்சிறந்த இத்தாலி காலத்து படைப்பு.

ஆங்கில காலம்:

            இந்த காலத்தில் மிகச் சிறந்த இரு படைப்புகள் தந்திருக்கிறார். அவற்றுள்‘’க்கேன்ட்டர் பெரி ட்டேல்ஸ்’’(Canterbury tales)என்பது இவரது மிகச்சிறந்த படைப்பாகும்.இதில் ச்சாசருடன் 29பக்தர்கள் தாமஸ் பேக்கெட் என்பவரது கல்லரைக்கு பாதையாத்திரை சென்றனர்.மற்றும் ‘’தி நைட்ஸ் ட்டேல்ஸ்’’என்பதும் இவரது சாதனைப் படைப்புகளில் ஒன்றாகும்.

யார் அவர் என்று கண்டுபிடிங்கள்

                யார் அவர் என்று கண்டுபிடிங்கள்

அவரது குழந்தைப் பருவம் கொடூர உணர்வை அவரது மனதில் தூண்டிவிட்டது. சுருங்கச் சொன்னால், குழந்தைப் பருவத்தில் அவர் சந்தோசப்படுவதற்கான வாய்ப்புகள் எதுவும் கிட்டவில்லை.

வாய்ப்புகளுக்காக அவரது குழந்தை மனம் ஏங்கியது! ஆனால், அந்தக் குழந்தையின் தந்தை  தன் மகன் எந்த வகையிலும் சந்தோசப்படுவதற்கான சந்தர்ப்பங்களைத் தரவில்லை. அவர் தன் மகனுக்குத் தந்ததெல்லாம் என்ன தெரியுமா?

அடி, அடி, அடி என்று இருபத்து நான்கு மணி நேரமும் அடித்துக் கொண்டே இருக்கும் சூழலுக்குள் அந்தக் குழந்தை தள்ளப்பட்டிருந்தது. அதாவது, இதற்கு அடிப்பார்கள், இதற்கு அடிக்க மாட்டார்கள் என்று அந்த நிலைமையைப் புரிந்து கொள்ளும் வகையில் இல்லை.

நின்றால் அடி, அமர்ந்தால் அடி, படுத்தால் அடி, சாப்பிட உட்கார்ந்தால் அடி, உடலில் அந்த அடிகள் உருவாக்கிய தழும்புகளுக்குக் கணக்கில்லை.

இவ்வாறு தந்தையின் கரங்களால் அடிபட்டு அந்தக் குழந்தை துடித்தபோது, வாடா, கண்ணே! என்று அக்குழந்தையை வாரி அணைத்துக் கொண்டு, அதன் கன்னத்தில் முத்தமாரி பொழிந்தாள் குழந்தையின் தாய்!

இப்படிப் பட்ட சூழ்நிலையில் அந்தக் குழந்தையின் மனதில் பதிந்த பிம்பம் இதுதான்; “ அப்பா என்றால் அடிப்பவர்; அம்மா என்றால் அணைப்பவர்” அதனாலயே, தன்னை அடிப்பதற்கு தந்தை தன் கையை ஓங்கியபோது, அந்தக் குழந்தை அம்மாவின் பின்னால் பதுங்கிக் கொண்டது. 

மனத்தளவில் அந்தக் குழந்தை தாயின் குழந்தையாக மட்டுமே வளர்ந்து வந்தது.இப்படிப்பட்ட சூழ்நிலையில் அந்தக் குழந்தை வளர்ந்து வாலிப் பருவம் எய்தி, பிறரது கவனத்தை ஈர்க்கும் வண்ணம் தனது திறமையை வெளிப்படுத்தியது. ஆனால் படிப்பில் ஆர்வம் குறைவாகவே இருந்தது.

டீன் ஏஜ்-க்குள் நுழைந்துவிட்டார் அவர். அதாவது பதினாறவது வயதை அடைந்துவிட்டார். தனது பதிமூன்றாவது வயதில்  தந்தையை இழந்தார். 

அதன் பிறகு மூன்று வருடங்கள் பள்ளியில் பாடங்களுடன் மல்யுத்தமும் நடத்தினார். முடிவில் எந்தத் தகுதியும் பெறாமல் பள்ளியிலிருந்து விடை பெற்றார்.

அவருக்கு படிப்பு ஏறவில்லை என்றாலும், ஓவியத்தில் ஆர்வம் இருந்தது. ஆனாலும் அவரால் சிறந்த ஓவியராக முடியவில்லை. ஓவியத்தைவிட கட்டடக்கலை, சிற்பக்கலையில் ஆர்வம் காட்டும்படி  பிறர் அவரைத் தூண்டினார்கள். அவற்றிலும் நுழைந்து தனது திறமையைக் காட்ட முனைந்தார். ஆனால், அவரது முயற்சி தோல்வியில் முடிந்தது.

அவர் சிறு வயது முதலே அரசியல் பற்றிய திண்ணைப் பேச்சுக்களைக் கேட்ட வண்ணமிருந்தார். ஆனாலும் அரசியல் புரியாத வயதில், தனது நண்பர்களுடன் அரசியல் பற்றி, அவருக்குத் தெரிந்த அளவுக்கு விவாதம் நடத்தினார்.

இதற்கிடையே வயிற்றுப் பிழைப்பை நடத்துவதற்காக ஓவியம் வரைந்து விற்பனை செய்தார். அவர் பொதுவாக முதலில் சில தினக்கூலி வேலைகள், அப்புறம் சாயப்பட்டறையில் வேலை, பிறகு, வாழ்த்து அட்டைகளை பார்த்து படம் வரைந்து கொண்டுபோய், கடைகளில் கொடுத்து சில்லறை சேர்க்கிற சுய தொழில் என்று வாழ்க்கையை ஓட்டிக்கொண்டிருந்தார் அவர்.

காலமும் பொழுதும் அவரை இந்தப் பொழப்பு உனக்கு வேண்டாம் என்று மூலதனம் தேவைப்படாத தொழிலான அரசியலில் மூக்கை நுழைத்து, தலை தூக்கிப் பார் என்று அவரைத் தள்ளிவிட்டன.

அரசியலில் கொள்கையை விடவும், யுக்தியும், சொல்லாடலும் மட்டுமே இருந்தால், குறுகிய காலத்தில் மிக உயர்ந்த இடத்திற்கு சென்றவிட முடியும் என்பதை புரிந்து கொண்டார் அவர்.

பேச்சுக்கலையில் குரல் ஏற்ற இறக்கங்களில், எந்தச் சொல்லுக்கு அழுத்தம் கொடுக்க வேண்டும், எந்தச் சொல்லை வருடிக் கொடுக்க வேண்டும், எப்போது குரலை உயர்த்த வேண்டும், எப்போது சொற்பொழிவை  சங்கீதமாக்க வேண்டும் என்பதையெல்லாம் அவர் மிக விரைவில் கற்று, அக்கலையில் விற்பன்னர் ஆகிவிட்டார்.

எந்த அரசியலில் அவர் மூக்கை நுழைத்து, அதில் அவர் தன்னை முடிசூடா மன்னர் ஆக்கிக் கொண்டாரோ, அந்த அரசியல் களத்தில் தனக்கு எதிராக எவரும் மூக்கை நுழைத்துவிடக்கூடாது என்பதில் கண்கொத்திப் பாம்பாக இருந்தார் அவர்.

காலமும் சூழலும் அவருக்கு கைக் கொடுத்தது. அவரை அரசியல் அரியணையில் ஏற்றிவிட்டு, காலம் அவரை வேடிக்கை பார்த்தது.

இளம் வயதில் ஓரிரு ரொட்டித் துண்டுகள் கிடைக்காதா என்று தெருக்களில் அலைந்து திரிந்து கொண்டிருந்த அவர், ஆட்சி பீடம் ஏறியதும், ஆட்சியில் இருந்ததும் சொற்பகாலமே! அதாவது பன்னிரெண்டு ஆண்டுகள்!

கொலைகளைச் செய்வதற்கென்ற பிறந்து, ஆட்டம் போட்டு அடங்கி போன அவர் யார் என்று கண்டுபிடிங்கள்????