முயற்சி

கருக்காத வெண்மேகம் மழையாகாது
செதுக்காத கல் சிற்பமாகாது
உரசாத தீக்குச்சி நெருப்பாகாது
தெளிவில்லாத நீரில் முகம் தெரியாது
அதேபோல முயற்சி இல்லாத கனவு வெற்றியாகாது


15.7.19 அன்று தினத்தந்தி  நாளிதழில் வெளியான கவிதை.

இன்றைய தினம்

24.01.2020 (வெள்ளி)
இன்றைய தினம்
         தேசிய பெண் குழந்தைகள் தினம்
         இந்திய அணுக்கருவியலின் தந்தை ஹோமி பாபா நினைவு தினம்.
பன்னிரு ஆழ்வார்கள் 
         1.பொய்கையாழ்வார்
         2.பூதத்தாழ்வார்
         3.பேயாழ்வார்
         4.திருமழிசை ஆழ்வார்
         5.நம்மாழ்வார்
         6.மதுரகவி ஆழ்வார்
         7.குலசேகர ஆழ்வார்
         8.பெரியாழ்வார்
         9.ஆண்டாள்
         10.திருபாண் ஆழ்வார்
         11.தொண்டரடிப்பொடி ஆழ்வார்
         12.திருமங்கை ஆழ்வார்
பதினெண் கீழ்க்கணக்கு நூல்கள்   அக நூல்கள்  - 6 
          1.கார் நாற்பது
          2.ஐந்திணை ஐம்பது
          3.ஐந்திணை எழுபது
          4.திணைமொழி ஐம்பது
          5.திணைமாலை நூற்றைம்பது
          6.கைந்நிலை
புறநூல்  - 1
          1.களவழி நாற்பது
தன்னம்பிக்கை 
          உனக்கு மேலே உள்ளவனைப் பார்த்து ஏங்காதே... தாழ்வு மனப்பான்மை
          வரும்.! உனக்குக்கீழே உள்ளவனை ஏளனமாய்ப் பார்க்காதே...
          தலைக்கனம் வரும்.! உன்னை யாரோடும் ஒப்பிடாமல் நீ நீயாக இரு...
          தன்னம்பிக்கை வரும்...!
இன்றைய வெளிச்சம் 
          உங்களைப் பற்றி நீங்கள் கொண்டுள்ள நம்பிக்கையே வெற்றி தரும்.
          நம்பிக்கை மட்டும் இருந்தால் போதாது சிந்திக்கவும் தெரிய வேண்டும்.
         அன்பும் இரக்கமும் இரட்டைக் குழந்தைகள்.      

இன்றைய தினம்

23.01.2020 (வியாழன்) 

இன்றைய தினம் 

         நேதாஜி சுபாஷ் சந்திர போஸ் பிறந்ததினம்

விவேகானந்தர்

         நீ பட்ட துன்பத்தை விட அதில் நீ பெற்ற அனுபவமே சிறந்தது.

திருவள்ளுவரைக் குறிக்கும் வேறு பெயர்கள்

        1.தெய்வப்புலவர்

        2.நாயனார்

        3.முதற்பாவலர்

        4.பெருநாவலர் 

        5.செந்நாப் போதார்

        6.மாதானுபங்கி

        7.நான்முகனார்

        8.தேவர்

  திருக்குறளின் வேறு பெயர்கள் 

         1.திருவள்ளுவம்

         2.தமிழ்மறை

         3.பொதுமறை

         4.முப்பால் நூல்

         5.பொய்யாபொழி

         6.தெய்வ நூல்

         7.வாயுறை வாழ்த்து

         8.உத்தரவேதம்

தன்னம்பிக்கை

         நிமிர்ந்து நிற்பதெல்லாம் பலம் என்றோ,வளைந்து கொடுப்பதெல்லாம்
         பலவீனம் என்றோ முடிவெடுத்து விடாதீர்கள். நிமிர்ந்து நிற்கும் வேலை
         விட, வளைந்து கொடுக்கும் வில் அம்பு அதிக தூரம் பாயும்....!!

இன்றைய வெளிச்சம் 

         ஊக்கத்துடன் உழைத்தால் அதிர்ஷ்டம் நம் வீட்டுக் கதவைத் தட்டும்.

         ஒரு நூல் நிலையக் கதவு திறக்கும் போது, ஒரு சிறைச்சாலைக் கதவு
         மூடப்படுகிறது.

இன்றைய தினம்

22.01.2020 (புதன்)
இன்றைய தினம் 
       தமிழறிஞர் தி.வே.கோபாலையர் பிறந்த தினம்.
புறநானூறு பாடிய பெண்பாற் புலவோர் 
       1.ஔவையார்
       2.பாரிமகளிர்
       3.வெண்ணிக் குயத்தியார்
       4.ஒக்கூர் மாசாத்தியார்
       5.காவற்பெண்டு
பத்துப்பாட்டு நூல்கள்
        1.திருமுருகாற்றுப்படை
        2.பொருநராற்றுப்படை
        3.சிறுபாணாற்றுப்படை
        4.பெரும்பாணாற்றுப்படை
        5.முல்லைப்பாட்டு
        6.மதுரைக்காஞ்சி
        7.நெடுநல்வாடை
        8.குறிஞ்சிப்பாட்டு
        9.பட்டினப்பாலை
        10.மலைபடுகடாம்
பௌத்த பக்தி இலக்கியங்கள்
        1.மணிமேகலை
        2.குண்டலகேசி
        3.விம்பிசாரக்கதை
        4.அபிதர்மாவதாரம்
        5.திருப்பதிகம்
        6.சித்தாந்தத்தொகை
தன்னம்பிக்கை
       தேதி போல உங்கள் கவலைகளை தினமும் கிழித்து எரிந்துவிடுங்கள்.
       ஒவ்வொரு நாளும் உங்களுக்கானதாக எண்ணிப் புதிதாய் வாழுங்கள்.
இன்றைய வெளிச்சம் 
    நாகரிகம் முன்னேறுவது புத்தகங்களால் தான்.
    சோதனை அதிகமாக இருந்தால் சுகம் பெரிய அளவில் வரப்போகிறது என்று
    அர்த்தம்.
    ஒருவனின் அறிவை அறிந்து கொள்வதற்கு அவனது பேச்சே அளவுகோல்.

அம்மா

சுட்டெரித்திடும் சூரியனும் நீ
வளம்தரும் மழையும் நீ
மனதில் விதை விதைத்தவளும் நீ
மவுனத்தின் காரணமும் நீ
மகிழ்ச்சியின் காரணமும் நீ
தேவதையின் வடிவமும் நீயே
என் தாயும் நீயே... அம்மா...


8.7.19அன்று தினத்தந்தி  நாளிதழில் வெளியான கவிதை.

நேரம் இல்லை

இதயம் நொருங்குவதற்கு இது கண்ணாடி இல்லை
கதவுகள் திறப்பதற்கு இது வீடு இல்லை
மனதிலே வைப்பதற்கு இடம் இல்லை
என் கதையைச் சொல்வதற்கு இது நேரம் இல்லை

ஈ.கன்னிகா
இளங்கலை மூன்றாமாண்டு ஆங்கிலம்

குழந்தை

மனதைப் பறிக்கும் பொன்நிறம்
விழிகளைக் கவர்ந்த உன் புன்னகை
செவிகளில் ஒலிக்கும் உன் சிறிய சொற்கள்
புதையலைப்போல் என் கையில்
கிடைத்த நீ என் செல்வா

ஈ.கன்னிகா
இளங்கலை மூன்றாமாண்டு ஆங்கிலம்

தென்னை மரமே

ஒற்றைக் காலில் நின்று உலகைப் பார்க்கிறது
தாகம் தீர்க்க இளநீர் தருகிறது
குடிசை அமைக்க ஓலையைத் தந்தது
தாயைப்போல் இளம் குருத்தில் இருந்தது
தேங்காயாக வளர்வதற்குப் பத்துமாதம்
பிள்ளைபோல் சுமந்த தென்னைமரமே

ஈ.கன்னிகா
இளங்கலை இரண்டாமாண்டு ஆங்கிலம்

நிலவே நீயும் ஒரு பெண்தானே

நிலவே நீ வானத்தில் மட்டும் உதிக்கிறாய்
நிலத்தில் வாழும் பெண்ணின் முகத்தில் உதிக்கிறாய்
இருண்ட வானில் ஒளியைக் கூட்டுகிறாய்
ஆனால் பெண் இருண்ட வீட்டில்
ஒளியேற்றி அன்பைக் கொடுக்கிறாள்
நீங்கள் இருவரும் ஒருவர் தானே
நிலவே நீயும் ஒரு பெண்தானே

ஈ.கன்னிகா
இளங்கலை மூன்றாமாண்டு ஆங்கிலம்

உன்னை

அலைகள் ஓடியது
நிலவைத் தேடியது
விழிகள் வாடியது
உன்னை நாடியது

ஈ.கன்னிகா
இளங்கலை மூன்றாமாண்டு ஆங்கிலம்

பேரழகி

பொன் நகை சூடாமல் இருந்தாலும்
உதட்டில் புன்னகை சூடியிருந்தாள்
உருவத்தில் அழகில்லை என்றாலும்
உள்ளத்தில் அன்பைக் கொண்டவள்
கருப்பு நிறத்தைக் கொண்டாலும்
கணிந்த மொழியைப் பேசுவாள்
காரணம் இன்றிச் சிரிப்பாள்
காரியத்தோடு நடப்பாள் என் அன்பு கண்ணம்மா

ஈ.கன்னிகா
இளங்கலை மூன்றாமாண்டு ஆங்கிலம்

நல்ல பாம்பு

பிறவியில் கெட்டவன்
பெயரில் நல்லவன்
நீண்ட உடல் ஆனால் கயறில்லை
கண்கள் உண்டு அதில் பார்த்ததில்லை
விடம் பாய்ந்த உடல்
யாரையும் துன்புறுத்துவதில்லை
கேட்டால் நான் நல்ல பாம்பு

ஈ.கன்னிகா
இளங்கலை மூன்றாமாண்டு ஆங்கிலம்

அன்பு, நட்பு

கண்களில் பூத்த மலர்
கைகளில் மலர்ந்து விரிந்தது
இதயமாகத் தோன்றிய மலர்
இதழ்களில் விரிந்து காணப்பட்டது
கையில் வைத்துக் காத்து விரிவதற்கு வழிகாட்டியது
இதில் சிறந்த பூ அன்பு, நட்பு

ஈ.கன்னிகா
இளங்கலை மூன்றாமாண்டு ஆங்கிலம்