கண்கள்..

            


வட்ட மான முகத்தில்
     முட்டைக் கண்கள் உள்ளன
முட்டைக் கண்கள் நடுவிலே
     வட்டப் பொட்டு இருக்கிறதே
கறுப்புப் பொட்டு கண்ணிலே
     காண மிகவும் உதவுதே
கறுப்பு விழுகள் பாதித்தால்
     கண்கள் பார்வை இழக்குமே
கிட்ட உள்ள பொருள்களைக்
     கண்டு அறிய உதவுமே
எட்ட இருக்கும் பொருள்களை
     எண்ணிப் பார்க்க உதவுமே
புதுமை யான உலகினைப்
     பார்த்து ரசிக்கும் கண்களைச்
சொத்து போல காத்து நாம்
     சொர்க்கம் போல வாழுவோம்
கண்கள் இரண்டும் மணிகளே
     கடவுள் தந்த விழிகளே
கண்கள் காத்து வாழுவோம்

     காலம் முழுதும் மகிழுவோம்.

Comments